هي مش سينا رجعت تاني لينا ولا اية؟
مش
جيشنا العظيم حامي الاراضي لما كنا بنهتف انه يرجع لثكناتة كان بيطلعلنا صور جنود
في الجيش وحوش وبعد الثورة انتشرت فديوهات لتدريبات للجيش وان جيشا اعظم جيش في
العالم والكلام دة
وهو بس علشان الصراحة جنود وضباط الجيش الي كانوا بيضربونا في
الميادين والاعتصامات خلنا نتاكد انهم
فعلاً وحوش
ومصر خلاص جابت رئيس منتخب تتفق او تختلف معاه
او ان الاصوات الي اخدها الدكتور محمد مرسي اقل بكثير من اعداد المقاطعين وان دي احصائيات بتجبرني انا وانت لننا نعترف بده .. برضة اسمة منتخب
ومرسي الرجل الصالح الي هيحكم بكلام ربنا قال
انه هيحل معظم مشاكلنا او بلفظ اكثر وضوحاً هيحل المشاكل الي هتخلي حياتنا
ادامية في اول 100 يوم
طيب بقي بما ان كل حاجة كويسة كدة والرئيس
تمام والجيش تمام . بعيداً الارهاب الي بيحصلنا والاقباط الي بيتقتلوا وعمليات
القتل والسرقة والاغتصاب ... بس دي مشاكل
داخلية بتحصل ، اهم حاجة الحدود الحدود الحدود ، الاغنية السخيفة الي بيحفظوهلنا
من واحنا اطفال (مصر بلد الامن والامان ، مصر بلد كل الاديان ، اسرائيل والصهاينه
هما اعدائنا ،الارهاب ده في افغانستان بس
والدول الاسلامية المتطرفة ، القضية
الفلسطنية بالنسبالك كطفل عربي اهم من بلدك نفسها )
النغمة المتكررة الي بنسمعها من زمان .
بس الحصل وبيحصل في سيناء ده اية؟؟
ازاي شخص يكون بيقوم بعملة كحرس لحدود بلده يتقتل ؟؟
طبعاً في اراء كثير في حادث سيناء
اولاً : الصهاينه هم الي ضربوا جنودنا
في الواقع اسرائيل بلغت المخابرات المصرية
قبل الحادث بثلاث ايام باخبار عن حدوث عمل ارهابي ، مش بس كدة كمان طلبة من رعايها
المتواجدين في سينا المغادرة فوراً .
وباعترف رئيس المخابرات الاسبق مراد
موافي انه حصل علي المعلومات وارسلها
للمسؤلين لكنهم لم يردو
وكمان موافي صرح بحاجة تاني طريفة جداً وهي
انه لما وصلته المعلومات متصورش ان مسلم يقتل اخوه المسلم وقت الفطار والكلمة دي
لازم نقف عندها لانها في حالة ان رئيس المخابرات بيقول مسلم يقتل اخاه المسلم دة
يعني ان المعلومات الي جاتله ملهاش اي علاقة باسرائيل !!!!
وطبعاً رد فعل الرئيس المتخب كان رائع لانه
مسبش شعبة اطلاقاً وقف وقفت راجل في الجراج وخلفة المرسيدس وقال خطابة العظيم الي
عامل زي خطابات مبارك كلة كلام !
وكمان الرئيس علق علي الموقف بعد حدوث
الواقعة باكثر من 6 ساعات
وجه خبر بعد الحادث بساعتين بيقول ان الرئيس
مرسي يجتمع بالمجلس العسكري، وبعد كدة الطرفين نفي انهم اجتماعه ببعض
وطبعاً المجلس العسكري كان خطابة رائع كالعادة وصف تفصيل للي حصل طبعاً وكمان ان مصر هترود
علي ما حدث هي ووزارة الداخلية واهالي سيناء
وطبعاً منسيوش يقولول انهم منذ
احداث الثورة كانت القوات المسلحة مدافعة عن الحدود المصرية وكمان ان قواتنا
المسلحة حرصة في احداث الثورة علي الا تريق دماء المصرين وطبعاً في الاخر تحية
للشهداء
دا كان الموقف بالنسبالهم لكن بالنسبة
لينا احنا
حزن
واحساس كبير باننا بنلف في نفس الدائرة تاني موت وتاني دم مصري بيسيل علي الارض من غير حق
واحساس بان قد اية لسة بلدنا ماشيه بمبداء
السياسة السرية الي بيعرفها المسؤلين بس
فين رد فعل مؤسسة الرئاسة والمؤسسة العسكرية
من الحادث ؟؟ اقالة بعض الافراد !
الناس في العريش عايشة في رعب وبرده جبوها في
الملثم (اللهو الخفي )
بس
احنا موجودين وهنرجع نعارض تاني بس المرة دي
معرضة مختلفة
يسقط الرئيس الي مش قادر يوفي بوعدة
يسقط حكم العسكر الي مبيقتلش غيرنا
تسقط كل الجماعات الارهابية الي بيخلونا نعيش
في رعب
يسقط كل مواطن بيرجع الحدث لعدو الوطن علشان
يريح دماغة
يسقط كل قلب خايف
يسقط كل فم صامت
تسقط كل ايد مرتخية
يسقط كل
اعلام بيحابي
تسقط النخبة الصمته
يسقط
.... يسقط .... يسقط ....
ليست هناك تعليقات:
إرسال تعليق